Issa li l-istrike tat-trasport pubbliku ghadda u kollox rega' ghan-normal,nixtieq nghaddi xi kummenti ta' kif il-korp tal-pulizija aggixxa ma' l-istess membri tieghu tul dawk il-jiem li nahseb l-ebda membru tal-korp ma' jixtieq jerga jghaddi minnhom.

Fit-toroq taghna rajna prezenza kbira ta' pulizija.Haga tajba ghaliex il-poplu jhossu aktar protett f'cirkustanzi bhal dawn.

Pero' ninsab iddizgustat ta' kif dawn l-ufficcjali tal-korp kellhom jahdmu sabiex jaghmlu l-qadi ta' dmirijiethom.

Rajna pulizija li ghal-sieghat shah kienu esposti f'xemx tizreg.Minn naha taghhom bdew ifittxu kull roqa' dell fejn kien possibbli.

Nixtieq nistaqsi jekk dawn il-membri tal-korp inghatawx sun block sabiex ikunu jistghu jindilku halli jtaffu mill-hsara tax-xemx li kienu esposti ghaliha?

Nixtieq ninforma wkoll lil-oghla ufficcjali tal-korp li kienu komdi go l-ufficcji taghhom jaghtu l-ordnijiet jekk humiex konxji tal-fatt li dawk l-ufficcjali tal-pulizija li kienu ghal-sieghat shah fit-toroq lanqas biss kellhom cans jaghmlu l-bzonnijiet naturali taghhom.

Sahansitra bdejna naraw Pulizjia nisa li litteralment ma fellhux jibqghu fuq saqajhom.
U hawn nixtieq naghti hajr lil-dawk il-pulizija rgiel li bdew iserrhu lil-kollegi taghhom nisa sabiex jistriehu ghal-ftit minuti u sabiex jistkennu taht is-sigar mill-qilla tax-xemx.

Nispera li l-awtoritajiet japprezzaw il-hidma imprezzabbli li wettqu dawn il-membri tal-korp tal-pulizija.